UNIDA ug NCTU, dili moduyog sa halapad nga transport strike sa kaulohan sunod semana.

GIKUMPIRMAR sa United Drivers Association kon UNIDA ug National Confideration Transport Union kon NCTU-10 nga dili moduyog sa ipahigayon transport strike sa grupong PISTON sa kaulohan sunod semana!
Matud ni UNIDA Coordinator Joel Gabatan nga kinahanglang aduna’y taas nga panahong preparasyon kung magpahigayon og halapad nga transport pahulay aron dili magutman ang mga driver nga molambigit sa kalihukan.
Giklaro pa ni Gabatan nga bisan gipahibalo ang grupo apan dili kini moduyog tungod gitan-aw niini ang mga driver nga mao’y ma-apektohan sa kalihukan.

“…kami sa NCTU kung duna mi pagahimuon nga Transport pahulay isa ka buwan ang among preperation niana, kung petsa 1 mi mag welga kinahanglan dinhi pa sa petsa 10 nag tigum nami sa among makaun, mangandam mi kay para panahon sa welga naay kanunay makaun ang driver ug ilang pamilya, pero kini ilang gihimu nga apiki kaayo bisan pag nag pahibalo sila sa ako dili gyud mi mo duyog, dili gyud namo i-kuyog among membro nga wala naka preparar…”
UNIDA Coordinator Joel Gabatan.

SOURCE: SBPSH
Photo Source: RAPPLER