Truce agreement tali Israel ug Hamas , gisugdan na karung adlawa.
GISUGDAN na sa Israel ug Hamas ang four-day ceasefire, gilaumang buhi-an sa militants ang 13 ka Israeli women ug mga bata karung adlawa!
Lakip ang paghatud og hinabang sa besieged Gaza enclave.
Kini ang pinakaunang pause dul’ag pito ka semana sukad mi-ulbo ang kagubot niadtong Oktubre 7.
Nagsugod ang truce alas 7 sa buntag, lakip ang comprehensive ceasefire sa north ug south Gaza ug gisundan sa pagbuhi sa pipila sa kapi’g 200 ka hostages nga gidagit sa Hamas.
Matud ni Qatar foreign ministry spokesperson Majed Al-Ansari nga dugang hinabang ang ipadala sa Gaza.
Una nang gibutyag sa Egypt nga 130,000 ka litro sa diesel ug upat ka trucks sa gas ang i-deliver matag adlaw sa Gaza ug 200 ka trucks sa hinabang ang mosulod sa Gaza matag adlawa.
SOURCE: ABS-CBN NEWS
Photo Source: REUTERS
