Suspek sa pagpanumbag-patay sa usa ka Kagawad sa Kinoguitan, gitakdang pasakahan og kasong homicide karung adlawa!
MAG-ATUBANG sa kasong homicide ang suspek sa pagpanumbag-patay sa usa ka Kagawad sa Calubo, Kinoguitan, Misamis Oriental!
Biktima giila’ng si Kagawad Victor Zarate, 51-anyos, residente sa nasangpit nga lugar, samtang giila ang suspek nga si Ruben Tallo, 28 anyos ug residente sa susamang lugar.
Base sa inisyal nga imbestigasyon, igo lamang mi-aparta ang Kagawad sa pagsinumbagay tali sa ig-agaw nga si Anthony ug sa suspek apan kalit lamang kini’ng naigo sa duha ka kinomo sa nawong hinungdan nga nahagba ug nawad-an sa panimoot,
Matud ni Kinoguitan Municipal Police Station Investigator on case Police Staff Sergeant Robert Retrober nga gidala pa ang biktima sa Talisayan Provincial Hospital apan nakabsan kini sa hinulamang kinabuhi.
Gidugang ni Retrober nga padayon ang imbestigasyon sa otoridad ug gihulatan ang resulta sa autopsy sa patay’ng lawas sa biktima.
“…allegedly niingon si John Anthony nga gihapak niya ang dughan ni Ruben gibira niya ang sanina. Didto nagsugod pagbalos og sumbag didto na ang komusyon, ang gibuhat ni Kagawad Victor Zarate iyang gi kuan ang nagsinumbagay uban ilang silingan. Si Ruben ilang nakita nga gisuntok si Victor. Sa nose bridge ug dapit sa aping. Duha ka suntok ang nakita natumba diha sa dalan nahayang pagkahayang nag shaking iyang lawas. Pag abot namo sa station nakita namo siya didto allegedly murag iyang plano ato magparecord pag abot didto gitudlo siya sa witness nga siya nagsumbag mga pila ka minuto nanawag ang family sa victim nga patay na siya..”
Kinoguitan Municipal Police Station Investigator on case Police Staff Seargeant Robert Retrober
Samtang, gitakdang ipasaka ang kaso batok sa suspek karung adlawa.
SOURCE: P.I/16
Photo:Maps Kinoguitan MPS
