Suspek sa nahitabong hit and run sa Upper Balulang ning ciudad, nagpadayon’g at large!

PADAYON’G gipangita sa otoridad ang suspek sa nahitabong hit and run sa Upper Brgy. Balulang ning ciudad nga mipatay sa angkas sa motorsiklista!
Biktima’ng namatay giilang si Merly Domlayan, 45-anyos ug ang driver giilang si Dioscoro Sios hingkod ang panuigon.
Base sa initial nga imbestigasyon nga naglatas ang mga biktima sa nasangpit nga lugar sakay sa HR Honda color black, apan kalit lamang kini nga gibanggaan sa usa ka SUV.
Hinungdan nga nalagpot ang mga biktima.
Naka-angkon ang biktima’ng -namatay sa samad sa ulo rason sa hinanaling kamatayon.
Gibutyag sa otoridad nga wala’y sul-ob nga helmet ang biktima’ng namatay.
Misibat gilayon sa wala mapihong direksyon ang suspek.
Matud ni Traffic Enforcement Unit Investigator Police Corporal Romy Ryan Aguilar nga wala’y CCTV footage sa lugar hinungdan nga nanawagan kini sa mga indibidwal nga naka-record sa panghitabo nga itahan sa Kapulisan aron madakpan ang suspek.

“…kani si Ma’am Merly nag request siya nga kaihion siya karon ang driver nag minor siya mihunong padulong sa tunga but then naa niabot nga SUV nibangga sa ilang likod which is kaning pasahero naka angkon og dakong impact gikan sa pagbangga sa SUV. Kani si maam Merly nalagpot kini napaingon sa kanal, kani sang driver sa motor natikalbong siya uban sa iyang motor abay lang sila. Na impactkan gyud parte sa ulo sa babae dahilan sa iyang kamatayon. Ang lalaki naka helmet ang babae wala. Walay nakuha nga cctv didto..”
Traffic Enforcement Unit Investigator Police Corporal Romy Ryan Aguilar

Samtang, luwas na ang kahimtang sa driver sa motorsiklo.

SOURCE:#16
Photo: Rmg Gjr Maghanoy Elarcosa