Suspek sa mipatay sa magti-ayon sa Kiorao Kibawi Bukidnon, I-atubang sa piskalya na karong adlawa!
GITAKDANG, I-atubang sa piskalya na karong adlawa ang usa sa mga suspek nga mipatay sa magti-ayon sa Kiorao Kibawi Bukidnon niadtong Oktubre 31 ning tuiga!
Matud ni Kibawi Municipal Police Station Chief of Police Police Major Marvin Inciso nga gi-proseso na ang mga dokumento aron hingpit nga mapasakahan og kaso si Roselo Tecson kini sa usa responsible sa miluthang patay sa magti-ayong si Mario ug Carmelita Fabian.
Gawas niini padayong gilakag sa kapulisan ang igsoon niining si Cesar Tecson nga padayon pang nagtago-tago human sa krimen.
Samtang nanawagan ang opisyal sa mga katawhan sa lugar nga isalikway na ang away-politika ingon man ang mga personal grudge aron malikayan ang susamang insidente.
“..possible na ni mapasakaan og sumbong sa korte ug dal on sa Provincial Rehabilitation Center sa Malaybalay City. Election naa man gyuy madaog ug mapildi so kining napildi dawaton lang nato ang kamatuoran naa gyuy madaog ug mapildi, ang naay panagbingkil sa election ato lang nga ana gyud ang sitwasyon naa gyuy mapildi madaog kay lisod pod kay di na maayo ang resulta hinuon..”
Kibawi Municipal Police Station Chief of Police Police Major Marvin Inciso
Dumduman nga dili ang magti-ayon ang target sa magsuong suspek ina’y ang ka-atbang niini sa pulitika apan wala kini sa panimalay sa maong insidente.
SOURCE: SH&V
Photo:CdeO Headlines
