SITG-Johnny Walker, gi-activate sa kapulisan aron mapalapdan ang imbestigasyon sa pagpamusil-patay sa usa ka radio commentator!
GIMUGNA ang Special Investigation Task Group kon SITG-Johnny Walker aron mapalapdan ang imbestigasyon sa pagpamusil-patay sa usa ka radio commentator sa Calamba Misamis Occidental!
Matud ni PRO-10 Spokesperson Police Major Joann Navarro nga pinaagi sa SITG-Johnny Walker hayan nga mapalapdan ug mapalawman ang imbestigasyon ug matumbok ang responsable sa krimen.
Giklaro pa niini nga pangulohan sa Misamis Occidental Provincial Office ang maong imbestigasyon inabagan sa tanang national operation support unit sa PNP-10.
Samtang gilantaw sa kapulisan ang tanang angolo aron masuta ang rason sa pagpamusil sa biktimang si Juan “ Johnny Walker” Jumalon.
“..special investigation task group Johnny Walker, mao kini himuon nga masusi nga investigation diin pangunahan sa Provincial Director sa Misamis Occidental police provincial office and it will be supervise by the regional director of the operation sa police regional office 10, CIDG, Anti cybercrime unit, uban pa nga national operation support unit sa pnp aron motutok sa imbestigasyon. Ang tanang angolo atong pagalantawon, himay-himayon ang tanang impormasyon nga makuha sa maong insidente lakip ang ebidensiya nga atong makalap sa crime scene, apil ang mga testimonya sa atong mga witnesses..”
PRO-10 Spokesperson Police Major Joann Navarro
SOURCE: SH&V
Photo: Metro Cagayan de Oro and Northern Mindanao
