Presyo sa Agricultural products, laumang mosaka nunot sa nagsingabot nga holiday season!
GILAUMAN nga mosaka ang presyo sa Agricultural products nunot sa nagsingabot nga holiday season!
Bisan pa man gisiguro sa Department of Agriculture kon DA nga dili mosaka ang presyo sa mga produkto.
Gibutyag ni Samahang Industriya ng Agrikultura kon SINAG President Rosendo So nga gilauman na sa grupo ang pagsaka sa presyo sa bugas ug itlog bisan wala’y kabag-uhan sa farmgate prices.
Giklaro pa sa opisyal nga matag Disyembre, mosaka ang retail price bisan wala mitaas ang farmgate price sa nasud.
Base sa pinakabag-ong datos gikan sa price monitoring sa DA, ang presyo sa local commercial rice sa kauluhan anaa sa 41.81 pesos ngadto sa 58 pesos matag kilo samtang sa imported commercial rice usab anaa sa 43 pesos ngadto sa 56 pesos matag kilo.
Samtang anaa sa 7.96 pesos matag usa sa medium-sized chicken eggs nga gibaligya sa kamerkadohan.
SOURCE: RNT
Photo:NET25
