PNP, mikumpirmar nga wala’y bahad sa seguridad sa paghandum sa Adlaw sa mga Santos karong adlawa!
GIKUMPIRMAR ni PNP Chief General Benjamin Acorda Jr., nga wala’y bahad sa seguridad sa paghandum sa Adlaw sa mga Santos karong adlawa!
Base sa monitoring sa pipila ka cemetery sa kauluhan, gibutyag ni General Acorda nga wala kini nadawat nga mga intelligence report nga aduna’y buot manabotahe.
Matud sa PNP Chief nga gisalig na sa area commanders ang pagpabiling alerto depende sa sitwasyon sa mga lugar apan pabiling naka-full alert status ang Kapulisan sa Pilipinas.
Samtang, gimando sa opisyal sa tanang regional police office nga pahugtan ang pagbantay sa seguridad ilabina nga molungtad pa ugmang adlawa ang pag-obserbar sa Adlaw sa mga Santos ug Kalag.
SOURCE: RNT
Photo:Philippine Star
