Patrol car nga nag-convoy, nagkarambola human nakatagpilaw ang usa sa driver sa Balingoan Misamis Oriental karong buntag!

NAGKARAMBOLA ang upat ka patrol car sa Barangay Bauk-Bauk Balingoan Misamis Oriental karong buntag!
Matud ni Balingoan Municipal Police Station Chief of Police Police Major Marilyn Pimentel nga nag-convoy gikan sa Marilao Bulacan ang pito ka patrol car nga padulong sa Zamboanga City Police Regional Office-9 alang sa turn-over.
Apan pag-abot sa lugar, ni-minor ang unang sakyanan ug wala makabantay ang driver nga nagsunod tungod nakatagpilaw kini samtang nag-drive hinungdan nga nabanggaan ang gisundan nga sakyanan og mi-resulta sa pagka-rambola.
Tungod niini, dako nga damyos ang na-angkon sa duha sa upat ka sakyanan nga nagbangga.
Giklaro ni Major Pimentel nga dili mga pulis ang nag-drive sa mga sakyanan ina’y mga trabahante sa kumpanya sa sakyanan.
Hinuon, wala’y natalang samaran sa insidente.
Samtang, gidala na sa auto-shop ang upat ka sakyanan ug ang tulo niini milahos na sa Zamboanga.

“…convoy ni sila going to Zamboanga City Regional Office 9. Gikan pani sila sa Marilao Bulacan nag land trip sila pag abot nila sa Balingoan nag minor ang first nga patrol car ang ikalima wala ka bantay nga nag minor naka diritso siya so ang ika upat, katulo, kaduha naguyod lang to siya. Ang ika upat nabangga sa ika tulo, ang ika tulo nabangga sa ika duha. Dili to sila mga police mga sibilyan to nga taga Toyota. Walay nasamad ang kani lang patrol car na damage..”
Balingoan Municipal Police Station Chief of Police Police Major Marilyn Pimentel

SOURCE: PI#27
Photo:Mis Or PPO