NEDA, nagtuo nga ang sunod-sunod nga bagyo ang usa sa gituhuang hinungdan sa pagtaas sa kalisod sa Pilipinas!
SUNOD-sunod nga bagyo ug kalamidad ang usa sa gituhuang hinungdan sa pagtaas sa kalisod sa Pilipinas!
Kini ang nahimong tubag sa National Economic and Development Authority kon NEDA human migawas ang survey sa Social Weather Stations kon SWS nga halos katunga o 48 percent sa mga pamilyang Pinoy ang nagtuo’ng pobre sa ulahing quarter ning tuiga.
Gitin-aw ni NEDA Secretary Arsenio Balisacan Jr., nga gimugna ang self-rated poverty survey sa SWS human sa sunod-sunod nga kalamidad nga naka-apekto sa presyo sa mga nag-unang palaliton.
Giklaro pa sa kalihim nga ang poverty measure, mag-base sa inflation ilabina sa presyo sa mga basic commodities ug ang pagsaka sa inflation rate niadtong Setyembre.
Samtang, gisiguro sa NEDA nga pabiling nakatutok ang gobyerno sa target nga mapa-ubsan ang kalisod sa 9 percent sa dili pa mahuman ang termino ni President Ferdinand Marcos Jr.,
SOURCE: PHILSTAR
Photo:Philippine Star
