Mayor Rolando “Klarex” Uy, nangulo sa pagturn-over sa panimalay alang sa 960 ka mga beneficiaries sa Balubal Hights Subdivision.
PERSONAL nga gi-turn over ni Mayor Rolando “Klarex” Uy sa 960 ka mga beneficiaries ang panimalay sa Balubal Hights Subdivision!
Alayon sa Ceremonial turnover sa 40 ka building alang sa 960 ka pamilya nga mahatagan og kaugalingong panimalay sa nahisgutang lugar.
Matud ni Mayor Uy nga pinaagi sa mga gi-turn over, mahatagan na sa eksaktong kapuy-an ang katawhan ilabina ang mga kasamtangang nag-renta.
Giklaro pa sa Mayor nga usa sa adbokasiya niini nga wala na’y mag-rent og balay sa cuidad hinungdan nga gipaningkamutan nga mahatagan sa mga kaugalingong panimalay ilabina mga informal settlers sa dakbayan.
“…dako ang kalipay nga akong gibati sa katumanan niini nga proyekto diin adunay 960 ka pamilya nga matagaan og siguridad ug maayo nga pamuyo, nasayud ako nga dili matuki ang kalipay nga mabati kung aduna na kitay bag-o ug maayo nga pinuy-anan nga layu sa katalagman ug adunay kasiguruhan ug siguridad kay ang siguridad moy labi’ng importante…”
Mayor Rolando “Klarex” Uy.
Samtang mapasalamaton si Barangay Balubal Kapitan Pablo Bactong sa lokal nga pangamhanan ug tanang nagpaluyo nga hingpit nga natukod ang condominium type nga relocation site alang sa katawhan sa Balubal.
Nagpasidaan ang opisyal sa mga residente nga kanunay ipatuman ang kalinaw ug gugma sa lugar aron magbaton og hapsay nga pagpuyo ang matag pamilya.
“…ang tanan gyud nga mulupyo ug occupancy sa Balubal heights congratulations, nga natuman na gyud inyong pangandoy sa dugay nga panahon…”
Barangay Balubal Kapitan Pablo Bactong.
SOURCE: CIO
Photo Source: CIO
