Lider ug mga miyembro sa giingong kulto nga Socorro Bayanihan Services Incorporated, gipasakahan na og kaso sa DOJ

NAG-atubang sa daghang kaso ang lider ug mga miyembro sa giingong kulto nga Socorro Bayanihan Services Incorporated kon SBSI!
Gibutyag sa DOJ nga gisang-at sa Surigao del Norte Regional Trial Court kon RTC ang mga kaso batok sa leader nga si Jey Rence Quilario o mas nailang Senior Agila, Mamerto Galanida, Karren Sanico, Janeth Ajoc ug uban pa.
Kasamtangang naka-kustodiya sa Senado ang upat ka leader human ma-cite in contempt tungod sa padayong pagpamugos nga wala’y child marriages nga natigayon sa Sitio Kapihan, Surigao del Norte bisan aduna na’y gihuptang testimonya gikan sa mga batang biktima.
Pabiling at large ang ubang gikasuhan susama ni Wenefredo Buntad, Giovanni Leogin Lasala, Ibrahim Adlaw ug uban uban pa.
Hisayran nga nag-atubang sa 21 ka ihap sa qualified trafficking in persons, facilitation of child marriage, solemnization of child marriage ug child abuse.
Samtang kumpyansa ang DOJ nga makapagawas na ang Korte og arrest warrant batok sa mga respondents.

SOURCE: RNT
Photo:Philippine Star