Late former PNP Chief Camilo Cascolan, posibleng gihilo-an.
IMBESTIGARAN sa National Bureau of Investigation kon NBI ang claim sa mga igsuon ni former PNP Chief Camilo Cascolan nga posibleng gihilo-an ang kanhi’ng PNP Chief rason nga namatay!
Human nagduda nganong gilayong gi-cremate ang retired police general taliwala sa request nga autopsy.
Wala gibutyag sa kampo sa Cascolan siblings kung unsay basehan sa mga akusasyon, tungod mahinungdanon kini sa imbestigasyon.
Gikwestyon usab sa mga igsuon ni Cascolan nganong ang medico-legal sa PNP ang nagpirma sa death certificate ina’y ang attending physician.
Gipasabot sa PNP nga wala kini nakitang sayop tungod out of town ang doctor ni Cascolan sa panahon nga nabugtu-an kini sa hinulamang kinabuhi hinungdan nga mihangyo ang pamilya sa opisyal sa PNP nga papirmahan sa medico-legal ang death certificate.
Samtang, namahayag ang kapikas ni Cascolan nga magpagawas og pamahayag sa umaabot nga mga adlaw taliwala sa mga pangutana sa kamatayon sa former PNP Chief.
SOURCE: GMA NEWS
Photo Source: MANILA BULLETIN
