Kapulisan sa Kitaotao, Bukidnon aduna’nay person of interest sa pagpusil-patay sa usa ka 22-anyos nga lalaki!
ADUNA’NAY person of interest ang Kapulisan sa pagpusil-patay sa usa ka 22-anyos nga lalaki sa Purok 4, Sinuda, Kitaotao, Bukidnon niadtong November 7, adlaw’ng Martes sa gabii!
Biktima giilang si Melvin Salindong Mandayanon, ulitawo, construction worker ug residente sa nasangpit nga lugar.
Base sa initial nga imbestigasyon nga nag-inom ang biktima kauban ang mga higala sa usa ka Sari-sari store apan kalit lamang miduol ang wala mailang suspek sa tindahan dala ang kalibre 45 nga armas ug gipusil ang biktima og ikaupat nga higayon ug gilayong misibat sa wala mapihong direksyon.
Naka-angkon ang biktima og samad-pinusilan sa nawong, suwang ug tiyan.
Gidala pa sa ospital apan gideklarar nga dead on arrival.
Matud ni Bukidnon Provincial Police Office kon Bukidnon-PPO Information Officer Giselle Longgakit nga posibleng personal grudge ang motibo sa suspek sa pagpatay.
“..dako ang posibilidad nga personal grudge kini og atong nasyran nga ang kining biktima during sa celebration nga night jam is naka inom ug naa siyay nakalalis nga identify verbal argument ug si victim iyang gi bunalan og longneck nga tanduay ang iyang nakalalis. Work related wala siyay other tao na engkwentro except sa October 31, 2023 nga dako ang posibilidad nga mao ang rason sa iyang na engkwentro is mao pod ang posible nga nag pusil kaniya because wala siyay lain nalalis except atong kagabhiona..”
Bukidnon-PPO Information Officer Giselle Longgakit
Hisayran nga una nahitabo ang insidente giingong adunay nakalalis ang biktima.
SOURCE: #16
Photo: Kitaotao Municipal Police Station
