Kapulisan sa Balingasag MPS, aduna’nay person of interest sa mipatay sa 40-anyos nga lalaking napalgan kilid sa sapa sa Sitio Man-iso, Mandangoa, Balingasag Misamis Oriental.
ADUNA’NAY mga person of interest ang Kapulisan sa Balingasag Municipal Police Station sa kamatayon sa usa ka 40-anyos nga lalaki nga napalgan’g-patay sa kilid sa sapa sa Sitio Man-iso, Mandangoa, Balingasag Misamis Oriental kagahapong adlawa!
Biktima giilang si Philip Cabutad, single, ug residente sa nasangpit nga lugar.
Naka-angkon ang biktima og samad sa li-og apan dili pa mapiho sa otoridad kung unsa nga hinagiban ang gigamit.
Matud ni Balingasag Municipal Police Station Assistant Investigator Police Staff Seargeant Robert John Galdo nga padayon gipalawman sa Kapulisan ang imbestigasyon sa krimen.
“…nakitaan siya sa among attending physician namo diri nga naay murag samad saiyang liog, among i-kuan i-develope namo ni kay murag murder ni siya, sa pagka karon ang mga suspek wala pa namo nailhan kinsa nag padayon pami sa pag-ila kung kinsay suspetsado, sa pagka karon naa siyay mga kainum pero dili pa gyud namo ma sulti nga sila na gyud amo lang gitutukan na sila karon, ga lakaw-lakaw man gud ni nga tao wala pami kaila kung kinsa gyud iyang kauban ato…”
Balingasag Municipal Police Station Assistant Investigator Police Staff Seargeant Robert John Galdo .
Una nang gibutyag nga nag-inom ang biktima kauban ang mga wala mailang indbidwal.
SOURCE:P.I/#8
Photo Source: BALINGASAG MPS
