Kapin kon kulang 50-mil ka indibidwal midagsa sa City Memorial Park, Bolonsori, Brgy. Camaman-an ning ciudad!
KAPIN kon kulang 50-mil ka indibidwal ang midagsa sa City Memorial Park, Bolonsori, Brgy. Camaman-an ning ciudad!
Sugod October 31 ngadto November 2 ning tuig.
Nunot sa bag-ohay natapos nga pag-obserbar sa All Saints’ day ug All Souls’ day.
Matud ni CLENRO Head Engr. Armen Cuenca nga mas doble ang midagsa sa November 2.
Samtang, gipasalig sa opisyal nga dili na subling mahitabo’ng maglisud ang mga kabanay o pamilya sa mga minatay sa City Memorial Park sa mga mosunod nga obserbasyon sa Undas.
Tungod adunay gi-develop nga apps ang buhatan aron mas dali’ng matultulan sa mga pamilya ug kabanay ang mga lubnganan sa mga minahal sa kinabuhi nga mipanaw.
Mahimo kini’ng I-download sa mga nagkadaiyang cellphone.
“..mas daghan ang sa 2. Ang gi develop na nga information system sa department ang atong pagpangita sa atong mahal sa kinabuhi sayon ra kay, matultolan nato pinaagi sa atong cellphone kay naa siyay aps nga gihimo karon nga bisan naa pa sa imong balay. Kay gihayahan ka, nga mahibaw-an nimo aha paliko para mutonong sa minahal sa kinabuhi..”
CLENRO Head Engr. Armen Cuenca
SOURCE:SBPSH
Photo: SR Files
