Imbestigasyon sa pagpamusil-patay sa usa ka mag-uuma sa Pangantucan Bukidnon, gipalawman.

GIPALAWMAN sa kapulisan ang imbestigasyon sa pagpamusil-patay sa usa ka mag-uuma sa Barangay Kidapucan, Pangantucan Bukidnon kagahapong adlawa!
Matud ni Bukidnon Provincial Police Office Public Information Officer Police Major Jessele Longgakit nga kalit na lamang gipa-ulanan og bala sa duha ka suspetsado nga sakay sa motorsiklo ang 45-anyos nga biktima samtang nagpa-load sa tindahan sa lugar.
Naka-angkon sa ubay-ubay ka samad-pinusilan sa lawas hinungdan nga dead on the spot ang biktima.
Giklaro pa ni Major Longgakit nga gitan-aw ang tanang angolo sa pagpanluthang ilabina nga wala kini ka-away sa wala pa mahitabo ang insidente.
Sa karon nakig-koordinar ang kapulisan sa pamilya sa biktima aron masuta ang mga angolo nga posibleng mao’y hinungdan sa pagpatay sa biktima.

“…sa pagka karon wala pa gyud ang atong kapulisan noh kay atong suspek unidentified og with regards sa motive kamulo pa sila balikan pa nila ang area kay katong immediate family member giatiman gahapon ang patay nga lawas sa biktima, balikan to nila para masuta gyud ang posible nga motibo kay sa atong pag pangutana sa mga investigation is wala man gyud ni na kontra nga tao, wala pud niy record, actually katong incident kay ang atong biktima nag sakay siya sa iyang motor ug mihunong siya sa tindahan para mag load, kalit lang giduol siya sa duha ka tao og gipusil siya hitting multiple parts of his body…”
Bukidnon Provincial Police Office Public Information Officer Police Major Jessele Longgakit.

SOURCE: P.I#7
Photo Source: Noy Gerald Demala FB