Hot pursuit operation batok sa lalaki nga midunggab-patay sa usa ka tinun-an Malaybalay City, nagpadayon.

NAGPADAYON ang hot pursuit operation batok sa lalaki nga midunggab-patay sa usa ka tinun-an sa Zone 2 Kalasungay Malaybalay City Bukidnon!
Matud ni Malaybalay City Police Office Station Chief of Police Lt. Col. Julius Macariolla nga napalgang wala na’y kinabuhi ang biktimang 19-anyos sa nahisgutang lugar.
Giklaro pa sa opisyal nga dumot ang usa sa gituhuang motibo sa pagdunggab-patay tungod base sa paghinabi sa pamilya sa biktima nga aduna kini kabingkil sa wala mahitabo ang krimen.
Nagtuo si Col. Macariolla nga posibleng botelya ang gigamit sa suspek tungod nakita sa crime scene ang mga bu-ak nga botelya nga aduna’y mga dugo.
Ubay-ubay ka samad sa lawas ang na-angkon sa biktima hinungdan nga nakabsan gilayon kini sa hinulamang kinabuhi.

“…naay napalgang patay didto sa may Zone 2 Kalasungay diin pag responde sa atong kapulisan positibo kini nga nakita sa may yuta og kini naay samad nga dinuggaban gamit ang usa ka hait nga hinagiban so pag verify nato sa crime scene atong nakita nga posible ang gigamit nga weapon sa pag pangdunggab niini kay botelya, buak nga botelya sa ilimnon unya naa pud mga traces sa dugo, as of now naa natay person of interest nag dugang lang ta kuha sa dugang nga witness, mga dugang ga evidence para gyud atong ma filan sa kaso…”
Malaybalay City Police Office Station Chief of Police Lt. Col. Julius Macariolla.

SOURCE: P.I #7
Photo Source: GOOGLE MAPS