Former Councilor Seno, mi-angkon nga ubay-ubay ka mga problema sa kabatan-onan ang wala matubag ubos sa liderato.

GI-ANGKON ni former Councilor John Michael Seno nga ubos sa liderato sa SK Federation wala matutuki ang problema sa mental health, teenage pregnancy ug problema sa gang sa ciudad!
Hinungdan nga mihangyo kini sa bag-ong SK Federation President nga si Councilor Kenneth Sacala nga tutukan ang mga nasangpit nga problema.
Matud ni Seno nga pinaagi sa pakigtimbayayong ni Councilor Sacala sa kauban sa SK Federation nga makamugna og Local Youth Plan aron sa pagsulbad sa nasangpit nga mga problema sa dakbayan.

“…diko kabasot kung unfortunate o fortunate bami kay pag sugod namo sa 2018 sa tunga-tunga pag abot og 2020 imbes full na unta ang pag implement sa Local Youth Development Plan niabot ang problema gihapon sa COVID, dayon pag abot sa problema sa COVID mao nato hungihong na dayon nga naa nay election, ang uban pud ato nag halt na ang implementation but hopefully ato kining gituyo nga pag lingkod sa bag-o nga SK Federation President siya gyud mismo ang mangamahan sa Local Youth Development Plan nga diin ang problema sa tuig 2018 posibly nga wala nag exist kaniadto nga nag exist karon sama sa problema sa mental health, sama sa rising cases sa teenage pregnancy, ang problema sa gang wars…”
Former Councilor John Michael Seno.

Hisayran nga pormal nang milingkod isip ex-officio sa 20th City Council si Sacala kagahapong adlawa!

SOURCE:CDEOCITYCOUNCIL
Photo Source: SRLIVE