Empleyado sa gobyerno, madawat na ang year end bonuses ug cash gift sugod karung adlawa!

MADAWAT sa mga empleyado sa gobyerno ang nagkadaiyang year-end-bonuses ug cash gift sugod karung adlawa!
Kini ang gibutyag sa Department of Budget and Management kon DBM.
Base sa statement sa DBM naggahin kini og pondo nga balor 45.3 billion pesos alang sa bonuses sa mga sibilyan personnel ug 15.2 billion pesos alang sa military o uniformed personnel.
Samtang, 8.9 billion pesos ang gigahin alang sa cash gift sa 1.7 million ka civilian ug military and uniformed personnel sa national government agencies.
Apan, ang makadawat sa bonuses ug cash gifts, ang mga empleyado lamang nga nagsilbi at least upat ka bulan nga serbisyo gikan sa January 1 ngadto October 31, 2023 ug nagpabilin pa gihapon sa serbisyo sa gobyerno as of October 31.
Hisayran nga equivalent ang year end bonus sa one month sa basic pay as of October 31 ug balor 5, 000 pesos ang cash gift.

SOURCE: ABS-CBN NEWS
Photo: PTV News