Congestion rate sa pipila ka prisohan sa Pilipinas, miabot sa 2,700 percent.

MIABOT sa 2,700 percent ang congestion rate sa pipila ka prisohan sa Pilipinas!
Matud ni Sandiganbayan Associate Justice Karl Miranda nga nag-range ang average sa congestion sa pipila ka mga prisohan ug PDL’s sa 376 percent apan ang ubang prisohan miabot sa 2, 700 percent.
Gikonsiderar sa anti-graft court nga himuong affordable ang pyansa isip kabahin sa paningkamot aron ma-decongest ang mga prisohan sa nasud.
Gidugang ni Miranda nga kung ang bailable ang kaso ug dili seryoso, gikinahanglang maka-bail out gilayon aron malikayan ang overcrowding sa detention facilities.
Gawas pa gikinahanglang modawat lamang ang mga prosecutor og “strong cases with a strong chance of conviction, base sa abiso sa DOJ.
Samtang, gitakdang magpahigayon og National Jail Decongestion Summit ang Justice Sector Coordinating Council nga naglangkob sa Supreme Court, Department of Justice, ug Department of the Interior and Local Government sa umaabot December 6 ug 7.
Nagtinguha ang summit nga magtigom ang stakeholders aron diskusyonan ang solusyon.
Aron mapadali ang pagdumala sa hustisya sa nasud.

SOURCE: GMA NEWS
Photo Source: PHILSTAR