Collection sa BOC, mi-exceed sa October!

NALABWAN sa Bureau of Customs kon BOC ang collection target alang sa Oktubre!
Gibutyag sa BOC nga mikabat sa 78.616 billion pesos ang nakolekta sa miaging bulan mas dako og 1.4 percent sa gitakdang collection target.
Positibo ang ahensya nga ang pagsaka sa revenue performance tungod sa pag-enhance sa trade facilitation efforts.
Partikular niadtong October 18, nga mipirma’g memorandum of agreement kon MOA ang BOC kauban ang PHILPOST aron mapadali ang pagpagawas sa mga clearance, ma-enhance ang security controls ug mapasayon ang customs procedures.
Matud ni BOC Commissioner Bienvenido Rubio nga ang revenue performance sa customs nagpakita lamang ang dedikasyon sa excellence, pagpalig-on sa mandato aron sa pag-usbaw sa revenue collection ug pagpalambo sa trade facilitation agi’g suporta sa economic development sa nasud.
Gibutyag sa buhatan nga gipaningkamotan sa buhatan nga pakusgan ang efforts sa digitization pinaagi sa pagpalambo sa bag-ong mga sistema ug modernong pasilidad aron sa pagpahapsay sa mga pamaagi ug pagkunhod sa oras sa pagproseso sa mga transaksyon sa import ug export.

SOURCE: GMA NEWS
Photo: Philippine Star