City Fire District, nagpasidaan sa katawhan nga likayan ang pagbilin sa mga kandila aron makalikay sa sunog!
HUGTANONG nagpasidaan ang City Fire District sa katawhan nga likayan ang pagbilin sa mga kandila sa mga altar kung wala鈥檡 tawo sa palibot!
Kini aron makalikay sa sunog susama sa nahitabo kagabii sa Barangay Patag nga nasunog ang panimalay tungod sa gidudahang kandila nga gibilin sa altar.
Matud ni City Fire District Public Information Officer Fire Inspector Samson Velarde nga gawas sa mga kandila sutaon usab ang mga nakasaksak nga mga kuryente aron masiguro nga dili kini maka-mugna og kalayo.
Sigurohon usab nga mapalong ang tanang gidagkutan nga kandila og ma-ibot ang tanang kuryente o aplayanses nga nakasaksak panahon kung mobisita na sa sam-ang.
“..expected nga daghan magdagkot og kandila sa ilang tagsa-tagsang panimalay siguraduhon nga before muhawa sa ilang panimalay kay tiwason nila ilang pag ampo didto sa sementeryo, mapalong gyud nila ang dinagkutan nga kandila ug mabutang sa saktong butanganan ug malayo sa kurtina. Siguraduhon nga ang atong electrical appliances atong i unplug para wala gyud mahitabo nga sunog nga electrical incidence..”
City Fire District Public Information Officer Fire Inspector Samson Velarde
SOURCE: P.I #7
Photo: Philippine Star
