Bukidnon PPO, miklaro nga wala’y kamatuoran ang report nga aduna’y bomb threat sa pipila ka tunghaan ug mall sa Malaybalay Bukidnon!

GIKLARO sa Bukidnon Provincial Police Office nga wala’y kamatuoran ang mga nangkatag nga report nga aduna’y bomb threat sa pipila ka tunghaan ug mall sa Malaybalay Bukidnon!
Matud ni Bukidnon Provincial Police Office Spokesperson Police Major Jessel Longgakit nga nakadawat ang buhatan og taho kalabot sa giingong pagpamomba sa usa ka mall ug tunghaan sa Malaybalay City hinungdan nga gipalawman ang imbestigasyon.
Base sa imbestigasyon, nasuta nga usa ka tawo nga aduna’y problema sa pangisip ang nagtaho nga aduna’y bomb threat sa lugar.
Giklaro pa sa opisyal nga mapasalamaton ang kapulisan tungod false information lamang ang maong report.

“..naay nag circulated regarding anang bomb threat so mao kadtong gi-verify sa atong kapulisan. Mao tong gi alert dayun, so mao tong purpose nga i alert ang mga tao i intact sila tungod atong bomb threat pero sa atong nasayran pagdagan sa imbestigasyon nga ang nag forward ato nga message is isa ka individual nga mentally ill dili kadto tinuod mahulog kadto nga fake news galing lang na circulate sa social media is because na leak na share siya sa mga civilian mao kadtong dili validated report pero na circulate na siya…”
Bukidnon Provincial Police Office Spokesperson Police Major Jessel Longgakit

SOURCE: SBPSH
Photo:Bukidnon Pecu