7.2 magnitude nga linog, nabatian sa Sarangani Davao Occidental karong hapon.

GITAY-og sa 7.2 magnitude nga linog ang Sarangani Davao Occidental karong hapon!
Matud ni PHIVOLCS-10 Regional Director Marcial Labininay nga aduna kini 10 kilometros gilawomon gikan sa epicenter sa linog.
Ubay-ubay ka mga municipalidad ang nakasinati sa linog lakip na dakong bahin sa Davao ug kalilangan Bukidnon nga nakasinati og intensity 3, Intensity 2 usab sa kadingilan, Don Carlos ug San Fernando Bukidnon.
Samtang Intensity 1 sa Balingasag ug Villanueva Misamis Oriental ingon man sa ciudad sa Cagayan de Oro.
Sa karon padayong gi-monitor sa PHIVOLCS ang posibleng kadaot nga gibilin sa linog.

“…yes insakto nga alas 4:14 sa kahaponon 7.2 ang iyang magnitude, so ubay-ubay nga mga municipality didto sa Davao sa Region 10…”
PHIVOLCS-10 Regional Director Marcial Labininay.

SOURCE: SBPSH
Photo Source: INQUIRER.NET