56-anyos nga lalaki, giluba-patay sa Talungan relocation Calaanan, Brgy. Canitoan ning ciudad.
GILUBA-PATAY ang usa ka 56-anyos nga lalaki sa Talungan Relocation, Calaanan, Brgy. Canitoan ning ciudad!
Biktima giilang si Edison Bonggo, residente sa nasangpit nga lugar samtang giila ang suspek nga si Antonio Villacorta.
Gituohan sa pamilya sa biktima nga personal nga pagdumot ang motibo sa suspek sa pagluba-patay sa biktima.
Tungod gibutyag nga aduna’y history sa panag-bikil ang biktima ug suspek, tungod sa kanding ug C.R.
Naka-angkon og ubay-ubay ka samad-dinunggaban ang biktima sa nagkalain-laing parti sa lawas rason sa hinanaling kamatayon.
Gibutyag usab nga lango sa ilimnong makahubog ang biktima.
Matud ni Venus Bonggo asawa sa biktima nga giingong nakapatay na kaniadto ang suspek hinungdan nga misibat ug napadulong sa Barangay Canitoan.
“…murag gadumot sa iya kay sa una kanding ray hinungdan kay ang kanding nag igit-igit sa ilang balay, kay isog man to siya gi-ignan niya akong bana nga kamo pag himu mog CR ninyo kay kanang kanding dili mana amoa, mao ratoy hinungdan nga hangtud karon dili nami ga tingog ga dumot nato siya kay kung mahubog to siya mo engon man to nga paghimu lage mog CR, kaganiha mao man gihapon iyang gi-yawyaw nga mag himu mog CR, kato kuno sila kay taga Cebu man to sila gipatay daw to niya iyang uyuan mao tong gi-biyaan niya iyang pamilya, mao tong siya nakauna dinhi ug iyang asawa sunod buwan pa niya nakuha…”
Venus Bonggo asawa sa biktima.
SOURCE: SRLIVE
Photo Source: SRLIVE
