50-anyos nga babaye, patay human nalatayi sa dump truck sa Sugbong Cogon Tagoloan Misamis Oriental!

DEAD on arrival ang usa ka babaye nga nalatayan sa dump truck sa Sugbong Cogon Tagoloan Misamis Oriental kaganihang buntag!
Ang 50-anyos nga biktima nailang si Ederlyn Nacalaban, molopyo sa Purok 6 B, Damilag Manolo Fortich Bukidnon samtang ang driver sa dump truck nailang si Tripon Magnanao, 47-anyos, minyo ug residente sa Sta. Ana Tagoloan.
Matud ni Tagoloan Municipal Police Station Traffic investigator Police Master Sergeant Arnel Acero nga base sa initial nga imbestigasyon nga aduna’y gilikayan ang biktima nga naghaguros nga sakyanan hinungdan nga nagpasalipod kini sa dump truck apan kalit lamang ni-manuever ang truck hinungdan nga naligsan.
Naka-angkon og grabeng bun-og sa lawas ang biktima patikular na sa ubos nga bahin human nalatayan sa makaduha nga higayon.
Gidala pa sa Northern Mindanao Medical Center kon NMMC ang biktima apan giderlarar kining dead on arrival sa attending physician.
Sa karon detenado ang driver sa dump truck sa Tagoloan MPS alang sa proper disposition.

“…usa ka babae nga biktima nag lakaw mani siya sa sentro nga bahin sa dalan ug sa dihang kining dump truck nga naglugar sa kilid kay nag bayad sa toll pay nag parking didto ang iya rang helper ni adto sa toll table. Kining babae nga naglakaw sa dalan tunga tunga nga bahin kibali niabot na siya sa kilid sa truck na sense nila nga naay ga sunod nga truck nga naa sa iyang likod so nipaspas siya sa paglakaw ug nitikang ngadto sa atubangan sa nagpark nga dumptruck nga maoy pagka human sa pagbayad sa toll pay nga ni aginod na, maoy pag arangkada. Didto siya nabanggaan dayun kay blind spot ba di makita gawas kung naka distansiya sa atubangan sa dumptruck makita na siya. Ingon sa driver naay ni kuan sa iyang atubangan iya pod kunong gi atras…”
Tagoloan Municipal Police Station Traffic investigator Police Master Sergeant Arnel Acero

SOURCE P.I #16
Photo: TAGOLOAN MPS