17 ka Pinoy Seafarers, gi-hostage sa rebeldeng Houthis ang sa Red Sea.

GIKUMPIRMAR sa Department of Foreign Affairs kon DFA nga lakip sa gi-hostage sa rebeldeng Houthis ang 17 ka Pinoy Seafarers sa Red Sea!
Gibutyag ni DFA Undersecretary Eduardo de Vega nga gawas sa Pinoy aduna pa’y pipila ka langyaw nga crew sa cargo ship ang gi-hostage sa mga rebelde gikan sa Yemen.
Giklaro pa sa opisyal nga dili kini ang pinaka-unang higayon nga gibihag ang Filipino seafarers sa ubang nasud.
Samtang padayong gitutokan sa ahensya ang insidente ug gilantaw kung aduna’y kalambigitan sa nagpadayong giyera tali sa Israel ug Hamas.
Hisayran nga ang Houthis, giilang ka-alyado sa Iran nga naglunsad og long range missile ug drone sa Israel isip suporta sa mga militanteng Hamas sa Gaza Strip.

SOURCE: PTV
Photo Source: PHILIPPINE STAR