13-anyos nga suspek sa pagpangluthang sa usa ka tinun-an sa usa ka tunghaan sa Gingoog City, nadakpan sa kapulisan karong hapon!
NADAKPAN atol sa hot pursuit operation ang 13-anyos nga suspek sa pagpangluthang sa usa ka tinun-an sa Gingoog City Comprehensive National Highschool karong hapon!
Matud ni First Police Provincial Mobile Force Commander Police Col. Ariel Philip Pontillas nga gi-atangan sa suspek ang menor de edad usab nga biktima gawas sa tunghaan ug kalit na lamang kining gipusil.
Giklaro pa sa opisyal nga wala ma-igo ang biktima tungod nakalikay atol sa pagpangluthang gamit ang improvised home-made gun nga aduna’y sulod nga bala sa 38 calibre.
Samtang pabiling gikustudiya ang menor de edad nga suspek sa Gingoog City Police Office alang sa dugang imbestigasyon.
“..13 years old suspect iyang gipusil ang iyang kaaway nga estudyante. Unfortunately wala maigo ang bata. Naggamit siya improvise homemade gun. Ang iyang parent ang iyang mama atong gihangyo nga magpalocate sa iyang anak…”
First Police Provincial Mobile Force Commander Police Col. Ariel Philip Pontillas
SOURCE: SBPSH
Photo:TsipAye FB ACCOUNT
