12 ka sibilyan, patay human sa Israeli air strike sa nagkalaing-laing hospital sa Gaza sulod sa 24 oras.

PATAY ang 12 ka sibilyan human sa Israeli air strike sa nagkalaing-laing hospital sa Gaza!
Matud sa Hamas-run Health ministry nga kalit na lamang gipa-ulanan sa bala ang mga lugar duol sa balay-tambalanan nga mi-resulta sa kamatayon sa pipila ka indibidwal.
Gawas sa patay, ubay-ubay usab ang samaran human sa maong pagpangatake.
Hisayran nga mikabat na sa 13,300 ka Palestinian ang patay human mi-ulbo ang kagubot tali sa duha ka nasud.
Dumduman nga nagsumikad ang kagubot human sa pagpangatake sa Hamas sa border sa Israel nga gikamatay sa 1,200 ka Israeli’s niadtong Oktubre 7 ning tuiga.

SOURCE: BBC NEWS
Photo Source: ANADOLU