12 ka Indonesians, patay samtang upat ang anaa sa talandugong kahimtang human mi-inum og home-made nga ilimnong makahubog!
PATAY ang 12 ka Indonesians samtang upat ang anaa sa talandugong kahimtang human mi-inum og home-made nga ilimnong makahubog!
Gidala sa government-run Subang District General Hospital sa West Java province ang 18 ka biktima sa alcohol intoxication apan 12 niini ang nakabsan sa kinabuhi.
Base sa report nga gi-inum sa mga biktima nga misalmot sa kasal ang napalit nga kontrabading ilimnong makahubog apan pipila ka minutos ang milabay kalit na lamang nagsuka ug nagsakit ang tiyan sa mga naka-inum hinungdan nga nadala sa hospital.
Samtang padayong gi-obserbahan karon sa mananambal ang mga laing biktima nga kasamtangang anaa sa kritikal nga condition.
Hisayran nga daghang imported wine sa Indonesia apan tungod sa kataas sa presyo mas gipili sa mga residente ang home-made liquor nga risgo sa panglawas.
SOURCE: BBC NEWS
Photo: Free Malaysia Today
