Usa ka bag-ong himugso nga batang lalaki, napalgang-patay sa Barangay Balulang ning ciudad!
NAPALGANG-patay ang usa ka bag-ong himugso nga batang lalaki sa Barangay Upper Balulang ning ciudad kaganiha sa buntag!
Matud ni Police station 4 Carmen Investigator Police Chief Master Sergeant Gideon Salvador nga base sa nakakita nga usa ka backhoe operator natingala kini nga aduna’y sako duol sa gipahulayan niini hinungdan nga gisuta apan dakong kakurat niini nga bata ang sulod sa sako.
Gipadayag pa sa opisyal nga naputos pa sa kaugalingong dugo ang bata og posibleng bag-ong himugso pa kini tungod nagdala pa sa kaugalingong pusod.
Sa karon padayong gi-imbestigaran sa kapulisan aron masuta kung kinsa ang responsableng inahan nga naglabay sa bata.
“..alas dyes sa buntag nagduol-duol siya, didto siya nagpahulay kay nahutdan siyag gasolina. 10 o’clock in the morning pagtan-aw niya abi niya bomba pag abri sus dili man bata baby mani ana siya. Gitawagan dayun mig dali sa Balulang police outpost, amo dayun gi adtuan didto. Niadto ang oro rescue gitan-aw nila ang sitwasyon sa bata, nakita naman gyud nga patay n ang bata kay mga almost kadlawon diay to gilabay..”
Police station 4 Carmen Investigator Police Chief Master Sergeant kon PCMS Gideon Salvador
SOURCE:SPBSH
Photo:Project Zamboanga
