Usa ka babaye patay human gibunalan og puthaw sa ka-live in partner.
SELOS ang motibo sa pagbunal-patay sa usa ka lalaki ngadto sa 36-anyos nga ka-live in partner!
Biktima nga si alyas Inday, 36-anyos ug residente sa relocation site Calaanan Brgy. Canitoan ning ciudad.
Matud sa suspek nga si Renrose Pardillo nga napuno kini sa mga bakak sa kaipon hinungdan nga wala kini nakapugong og nabunalan sa puthaw nga gidala ang biktima.
Gibutyag usab sa suspek nga depressed kini tungod bag-o lamang namatay ang inahan.
Giingong pila na ka higayon nga nanguyab og lain ang kaipon apan gi-antos lamang kini sa suspek sulod sa walo (8) ka tuig nga panag-uban.
“…ingon siya selos balik balik niyang giingon sa akoa nga gina lookdown ko niyag ayu ug depressed ko karon nga mga panahon kay akong mama bag-o lang namatay, akong plano wala ko ni duty, gi chattan nako siya nga mo duty ko gi-adtoan nako siya sa iyang trabaho nakita nako nga naa siyay kauban nga lalaki nga guard pa gyud unya niingon siya nga wala daw siyay kaila nga guard…”
Pamahayag sa suspek nga si Renrose Pardillo.
Hisayran nga boluntaryong mitahan ang suspek sa Kapulisan ug gitakda kining pasakahan og kasong murder.
SOURCE: SRLIVE
Photo Source: SRLIVE
