UNIDA-10 miklaru’ng dili mosalmot sa ipahigayo’ng long transport strike sa MANIBELA karung adlawa.

GIKLARU sa United Drivers Association kon UNIDA-10 nga dili kini mosalmot sa ipahigayo’ng long transport strike sa grupong Malayang Alyansa ng Bus Employees at Laborers kon MANIBELA karung adlawa!
Taliwala nga pipila sa driver sa UNIDA ang buot mosalmot sa transport strike agi’g pagsuporta sa panawagan ngadto sa LTFRB kalabot sa deadline sa consolidation sa traditional jeepneys isip kabahin sa Public Utility Vehicle Modernization Program ko PUVMP.
Matud ni UNIDA-10 Coordinator Joel Gabatan nga kulang na sa oras sa pagpangandam tungod gikinahanglang usa (1) ka bulan ang preparasyon.

“…pero karon bag-o, ang mga driver willing mo uban sa maong welga, total driver sila dili sila membro sa mga COOP mao na nga willing sila mo uban mao to nga engon ko nga apiki na kaayo wala ta kasagap, maayo unta to naka prepare ta ba nalang isa ka semana kay para sa pag pahigayon sa welga naa tay preparation nga bugas ug pagkaon kay kana ilang welga ugma wala mana nako na kuani kung kanus-a na kutob, mao na nga lahi mi dli mi muhimo og welga kung walay preparation, buwan man gale among preparation kay para panahon sa welga naay makaon ang mga tao…”
UNIDA-10 Coordinator Joel Gabatan.

SOURCE:P.I/#8
Photo Source: MANILA STANDARD