Tulo ka tawo, patay human gipusil sa Purok Malinas Barangay Anakan, Gingoog City.

PATAY ang tulo ka tawo human gipusil sa Purok Malinas Barangay Anakan, Gingoog City kaganihang sayo sa buntag!
Matud ni Gingoog City Police Station Chief of Police Lt. Col. Cecilio Orcullo nga padulong ang mga biktima sa Cagayan de Oro City gikan sa Butuan City aron mag-deliver og motorsiklo apan gibabagan kini sa suspek nga nagsakyanan.
Giklaro pa sa opisyal nga nagkahinabi pa ang mga biktima ug suspek una gipamusil gamit ang kalibre 45 nga armas.
Naka-angkon sa grabeng samad-pinusilan ang driver ug duha ka pahenante nga nag-resulta sa hinanaling kamatayon.
Samtang, road-rage o away sa kadalanan ang usa sa gitumbok nga motibo sa pagpamusil-patay.
Sa karon padayong gipiho ang mga CCTV footage nga naka-muntar sa lugar aron masuta ang identity sa suspetsado.

“…adunay shooting incident nga nahitabo dinhi sa Purok Malinas Barangay Anakan, Gingoog City adunay tulo ka biktima nga gibawian gyud sa kinabuhi tungod sa pagpamusil, actually lumalabay ra sila naka sakay sila sa 6 wheeler truck nga loaded sa motorcycles for delivery siguro ang maong mga sakyanan, base sa statement sa nakadungog sa storya ug nakakita sa panghitabo engon niya nga ang gunman daw ni syagit pa nga hapit sila nabanggaan sa maong mga biktima so initial namo nga findings basin road rage ni pero wala pud namo gi-discount ang other motives sa maong incident…”
Gingoog City Police Station Chief Police Lt. Col. Cecilio Orcullo.

SOURCE: P.I #27
Photo Source: JhIegz Labial FB