Tres (3) anyos nga batang lalaki, patay human na-apil sa pagkasunog sa panimalay sa barangay Laturan Libona Bukidnon.

PATAY ang usa ka Tres (3) anyos nga batang lalaki human na-apil sa pagkasunog sa panimalay sa Purok 5 barangay Laturan Libona Bukidnon kagahapon sa hapon!
Matud ni Libona Fire Station Desk officer FO2 Jessielou Ranario nga base sa initial nga imbestigasyon, gibyaan sa 19-anyos nga magulang nga si Jeric Yayon ang giluto niini tungod nanguha kini ug rambotan hinungdan nga mi-ulbo ang kalayo.
Tulog matud pa ang bata atol sa insidente hinungdan nga wala kini makagawas sa panimalay.
Samtang mikabat usab sa kapi’g usa ka libo ang gibana-banang damyos tungod gama lamang sa light materials ang panimalay.

“…nahitabo to siya gahapon October 11, 1:12PM sa Purok 5 barangay Laturan Libona Bukidnon ang bata nga casualty 3years old, sa initial nga investigation ang kalayo nag sugod sa ilang dirty kitchen, kaning naa siyay magulang 19 years old nga nagluto sa dirty kitchen dayon nanguha silag rambutan gi-byaan niya iyang giluto dayon ang iyang manghud tulog pagbalik niya nasunog na, estimated damage is 1,500…”
Libona Fire Station FO2 Jessielou Ranario

SOURCE: PI.#7
Photo Source: BFP R10 Libona Fire Station FB