SINAG, malaumon nga mo-ubos na ang presyo sa bugas sa 40 pesos matag kilo sa sunod semana.

GILAUMAN sa grupong Samahang Industriya Agricultura kon SINAG nga mo-ubos na ang presyo sa bugas sa 40 pesos matag kilo sa sunod semana!
Nunot na usab sa harvest season sa mga humay sa katapusang bahin sa Oktubre.
Base sa pagbana-bana sa SINAG, mahimong mo-ubos ang presyo sa regular milled rice sa 40 pesos samtang 42 ngadto 43 pesos usab ang well-milled rice.
Gibutyag ni SINAG Executive Director Jayson Cainglet nga posibleng mas moubos pa ang presyo sa kamerkadohan ilabina kung mahidangat na ang gi-import nga toneladang bugas sa gobyerno gikan sa Singapore ug Cambodia.
Una niini, gibutyag ni DA Spokesperson Ariel De Mesa nga anaa sa 38 pesos ang kilo sa bugas sa mga lugar nga duol og humayan.

SOURCE: PHILSTAR
Photo Source: PHILSTAR