Quezon City Regional Trial Court, nagpagawas og Writ of Preliminary Injunction sa pagpalit sa gobyerno sa Plastic cards.
NAGPAGAWAS ang Quezon City Regional Trial Court og Writ of Preliminary Injunction sa pagpalit sa gobyerno og Plastic cards nga gigamit sa pag-imprenta sa driver鈥檚 license!
Base sa mga source, gipagawas sa QCRTC Branch 215 ang order niadtong Oktubre 13 ning tuiga.
Nagsumikad ang kasong gipasaka sa Allcards Incorporated batok sa Land Transportation Office kon LTO ug sa midaog nga bidder nga Banner Plasticards Incporated kalabot sa pagpalit og 5.2 milyones ka plastic cards.
Sa gipagawas nga Writ of Preliminary Injunction, gibutyag sa source nga gipaboran sa Korte ang AllCards sa argumento tungod wala nahatagan ang kompanya og due process dihang gi-disqualify ang bidding process.
Una niini, gipagawas sa Korte ang 20-day Temporary Restraining Order kon TRO sa pag-award sa kontrata nga nag-resulta sa suspension sa delivery sa plastic cards.
SOURCE: RNT
Photo Source: Phil Star
