PSC, miklarung wala’y kalabotan sa gipadala’ng letter sa COA sa Philippine POC.

GIKLARU sa Philippine Sports Commission kon PSC nga wala’y kalabotan ang buhatan sa gipadala’ng letter sa Commission on Audit kon COA sa Philippine Olympic Committee kon POC!
Kalabot sa giingong unliquadated funds sa POC nga balor 10-milyones nga gigamit sa pagsalmot sa nasud sa 1998 Asian Games sa Bangkok Thailand.
Matud ni PSC Chair Richard Bachmann nga wala’y kontrol ang PSC sa nasangpit nga butang ug gipadala kini sa COA sa entities nga adunay unliquadated balances ug dili exception ang POC.
Una nang gibutyag ni POC President Mayor Abraham “Bambol” Tolentino nga nakadawat kini og memo pinaagi sa PSC in-house sa COA office.
Wala kini gikalipay ni Tolentino tungod gipadala ang sulat adlaw lamang human sa pag-abot sa team sa Hangzhou, China alang sa 19th Asian Games.
Gipamugos ni Tolentino nga usa kini ka “malicious” attempt aron sa pagdistract kaniya sa Asian Games.

SOURCE: ABS-CBN NEWS
Photo Source: PHILIPPINE NEWS AGENCY