President Ferdinand Marcos Jr., misiguro magpadayon ang suporta sa mga vulnerable sector!
GISGURO sa administrasyon ni President Ferdinand Marcos Jr., magpadayon ang suporta niini sa mga vulnerable sector!
Human migawas sa datos sa Philippine Statistics Authority kon PSA nga misaka sa 6.1 percent ang inflation niadtong Setyembre ning tuiga gikan sa 5.3 percent sa Agosto.
Gibutyag ni National Economic and Development Authority kon NEDA Secretary Arsenio Balisacan resulta kini sa paspas nga paglihok sa presyo sa mga nag-unang palaliton niadtong miaging bulan.
Lakip sa mga inisyatiba sa gobyerno ang digital Food Stamp Program sa Department of Social Welfare and Development kon DSWD nga gilunsad niadtong Setyembre 29 ning tuiga.
Gawas niini, makadawat usab og 5-mil pesos isip tabang-pinansyal ang mga mag-uuma aron makatabang sa pagpadaghan sa humay.
Samtang gilunsad usab sa Land Transportation Franchising and Regulatory Board kon LTFRB ang paghatag og fuel subsidy sa 74,89 ka public utility vehicles drivers ug operators.
SOURCE: ABSCBN
Photo: The Manila Times
