Pilipinas, nasakmit ang kampeonato sa prestihiyosong WPA World 10-Ball Women’s Championship.

NASAKMIT sa Pilipinas ang kampeonato sa prestihiyosong WPA World 10-Ball Women’s Championship.
Gibubo sa 24-anyos nga si Chezka Centeno ang abilidad hinungdan nga napukan si Han Yu sa China sa score nga 9-5 sa finals nga gipahigayon sa Sportpark Klagenfurt sa Klagenfurt Austria.
Sayo nga gipakita sa Pinay cue master ang abilidad hinungdan nga nasakmit niini ang 4-1 nga labaw.
Gawas sa titulo naangkon ni Centeno ang 50-mil US dollars nga premyo o kapi’’g 2.8 million pesos.
Gibutyag sa player nga nagbunga ang pagpaningkamot niini nga mahatagan og dungog ang Pilipinas.
Hisayran nga lakip sa gipukan ni Centeno sila Chinese Pan Xiaoting sa second round sa score nga 7-4, German Melanie Sussenguth sa Round of 16 sa score nga 9-0 ug Taiwanese Chou Chieh-Yu sa quarterfinals sa score nga 9-2.

SOURCE: PHILSTAR
Photo Source: Spin.ph