Pilipinas na-angkon ang pinakaunang gold medal sa nagpadayong 19th Asian Games, samtang Gilas Pilipinas pakyas nga naka-abante sa quarterfinal round.

NASAKMIT ni Filipino pole vaulter EJ Obiena ang pinakaunang gold medal alang sa Pilipinas sa nagpadayong 19th Asian Games sa Hangzhou, China!
Human mitala og 5.75 meter sa ikaduhang attempt ang 27-anyos nga athleta.
Pakyas ang nahabaili’ng kaatbang ni Obiena sa pagkab-ot sa 5.75 meters hinungdan nga na-angkon sa Filipino pole vaulter ang gold medal.
Sa nasangpit nga kadaugan gitapos ni Obeina ang 5.70 nga marka nga gitakda ni Japan Yamamoto Seito niadtong 2018 Asian Games sa Jakarta Indonesia.
Hisayran nga susamang mitala lamang silang Chinese pole vaulter Huang Bokai ug Saudi Arabia pole vaulter Hussain Al Hizam og 5.65 meter.
Samtang, pakyas ang Gilas Pilipinas sa pag-abante sa quarterfinal berth sa men’s basketball competition sa 19th Asian Games.
Human gipukan sa koponan sa Jordan niadtong Sabado sa score nga 87-62.
Nagpasabot ang kapildihan sa Gilas nga makaatbang sa team ang third ranked team sa Group D nga Quatar alang sa spot sa quarterfinals.

SOURCE:ABS-CBN NEWS
Photo Source: THE MANILA TIMES