Pastor Dimver Andales,ipa-ubos sa medical process human nadakpan pinaagi sa warrant of arrest una kini dalhon sa City Jail!
GITAKDANG ipa-ubos sa Medical process si Lapasan Baptist Church Pastor Dimver Andales!
Human nadakpan sa kapulisan pinaagi sa warrant of arrest nga gi-issue ni Honorable Judge Marites Felomina Rana-Bernales sa Regional Trial Court kon RTC Branch 39 kaganihang buntag.
Matud ni COCPO Spokesperson Police Lt. Colonel Evan Viñas nga human sa booking og mugshot sa Agora Police Station 3, gitakdang I-turn over kini sa issuing judge alang sa commitment order ug ipa-ubos sa medical process una dalhon sa City Jail.
Giklaro pa sa opisyal nga lakip sa gi-isyuhan og warrant tungod sa kasong murder ang junior Pastor nga si Jether Nonot alyas “Kuya” kinsa gituhuang mao’y driver sa gisakyang Badja sa mga suspek nga mipusil patay kang Fornillos niadtong Mayo 9 ning tuiga.
Samtang, Padayong gipamugos sa kampo ni Pastor Dimver Andales nga inosente kini human gidakop tungod sa kasong murder nga pagpatay kang Cagayan de Oro Candidate Adriane Rovic Fornillos kaganiha sa buntag!
Matud ni Atty. Robert Maestre, legal counsel ni Lapasan Baptist Church Pastor Andales nga pamatuod niini ang gawasnong pag-uban sa kliyente ug ang wala pagbiya sa nasud.
Buot usab ni Pastor Andales nga atubangong ang kasong gipahamtang aron malimpyuhan ang pangalan niini.
“..naa pay trial didto pa man nato mapamatud an kung unsa gyud ang mga ebidensiya nga gi kinahanglan natong i comfront. Atong kliyente wala na siya nagtago, wala siya naglakaw sa nasud kay iya maning atubangon nangamdam naman kami niani ingkaso worst case scenario nga ma file ang kaso he will not leave the country kay iya mang gipamatud an ang iyang innocence didto sa court. Nag respito kita sa atong hustisya ato ganing kliyente emotional siya karon pero iya ng gidawat nga muabot ni nga panahon nga iyang feeling gilupigan siya pero sige lang. Ako hangyo sa atong mga igsuon nga dapat atong saligan ang atong hustisiya..”
Atty. Robert Maestre, legal counsel ni Lapasan Baptist Church Pastor Dimver Andales
SOURCE: SR LIVE
Photo: 90.3 Strong Radio Live
