Pamilya ni Miss CDO 1st Runner Up Katherine Guipetacio, andam magpasaka og kaso batok kang Lapasan SK Chairman Carol Jane Vilar.
ANDAM mopasaka og reklamo ang pamilya ni Miss Cagayan de Oro 1st Runner Up Katherine Guipetacio og kaso batok kang Lapasan SK Chairman Carol Jane Vilar!
Human nagpagawas og pamahayag nga aduna’y relasyon si Guipetacio ug si Barangay Kapitan Julito Ogsimer atol sa pagpangampanya.
Matud ni Barangay Lapasan Administrator Jeff Banconga nga pulos pagpangdaot lamang ang gihimo ni Vilar tungod wala kini mapakita nga ebidensya nga aduna’y ka-relasyon ang kapitan.
Giklaro pa ni Baconga nga wala na natingala si Kapitan Ogsimer sa maong isyu ilabina nga nagsingabot na ang pili-ay.
“…kani si Miss CDO Katherine Guipetacio ang iyang mga pageant mentors nag record sila sa giingong irresponsabling pag batbat ug pagdiskorso ni Carol Jane Villar kasamtangang SK Chairman ila kining gi record ug ilang gipadunggog kang Katherine Guipetacio naa didto ang iyang pangalan mao kanang nag hukom iyang pamilya, iya kining gi deklarar nga as soon as possible mag pasaka silag kaso tungod sa irresponsable, mga tumo-tumo, ug pag gamit sa iyang ngalan sa usa ka incumbent SK Chairman…”
Barangay Lapasan Administrator Jeff Banconga.
SOURCE: SBPSH
Photo Source: CLIMBS
