Pagpalambo sa tanang pantalan sa nasud, gilaraw sa PPA aron mas maka-aghat pa og turista.

GIPAGAWAS sa Philippine Ports Authority kon PPA ang mga plano nga palamboon ang mga pantalan sa Pilipinas!
Human giila ang nasud isip “Best Cruise Destination in Asia 2023 nga gipahigayon sa World Cruise Awards.
Gibutyag ni PPA General Manager Jay Santiago nga dakong dungog sa Pilipinas ang nahisgutang pasidungog tungod nagpasabot lamang nga epektibo ang mga lakang sa Department of Tourism kon DOT nga maka-aghat og daghang turista.
Gipasalig pa sa opisyal nga pinasubay sa programa sa ahensya, gisiguro ang kaluwasan sa tanang turista lakip na ang pagpalambo sa pasilidad sa pantalan ug padayong pagtukod og cruise terminal sa tinguhang mapalig-on ang cruise tourism sa Pilipinas.
Hisayran nga lakip sa pantalan nga buot butangan og cruise terminals ang Coron sa Palawan, Siargao, Camiguin, Boracay ug Puerto Galera.

SOURCE: PHILSTAR
Photo Source: PPA