Pagbalik sa 2-billion pesos nga mandated budget sa SIDA, gihingusgan sa SRA!
GIHINGUSGAN sa Sugar Regulatory Administration kon SRA nga mabalik ang kinatibok-ang 2-billion pesos nga mandated budget alang sa Sugar Industry Development Act kon SIDA programs sa sunod tuig!
Gibutyag ni SRA Administrator Pablo Luis Azcona nga ubos sa SIDA o Republic Act 10659, kinahanglang maggahin og 2-bilyones pesos matag tuig ang gobyerno alang sa mga programa nga nagtinguhang iduso ang competitiveness sa sugarcane industry ug madugangan ang kita sa mga mag-uuma.
Pinaagi sa pagpalambo sa productivity, diversification sa mga produkto, job generation ug pagpalig-on sa efficiency sa sugar mills.
Apan ubos sa sugyot nga 2024 national budget, anaa lamang sa 1-billion pesos ang aprubadong alokasyon sa SIDA.
Samtang gipadayag sa SRA Chief nga gilantaw usab sa ahensya nga dugangan ang ihap sa block farms.
Hisayran nga base sa pinakabag-ong datos gikan sa SRA, aduna’y 8,500 ka ektarya sa tubo nga nalakip sa block farming program.
Photo: Philippine Star
