Naturalized player Justin Brownlee, gikabalak-ang dili una makadula sa PBA human sa doping issues.

GIKABALAK-ang dili una makadula sa PBA si naturalized player Justin Brownlee!
Human nagpositibo sa doping sa bag-uhay pa lamang nahuman nga 19th Asian Games sa Hangzhou, China.
Naghulat na lamang ang Barangay Ginebra ug Philippine Basketball Association kon PBA sa estado sa Brownlee.
Nagpaabot usab ang Philippine Olympic Committee kon POC sa mahimong resulta sa test sa Sample B Urine ni Brownlee nga mao’y mahimong basehan sa pinal nga desisyon.
Samtang posibleng mapahamtangan usab og suspension ang basketbolista panahon kung makumpirmar nga positibo kini sa doping lakip na niini ang pagdula sa PBA.
Hisayran nga temporaryong nangita ang Gin Kings og mahimong hulip ni Brownlee alang sa PBA Season 48 Commissioner’s Cup nga magsugod karong Nobyembre 5 ning tuiga.

SOURCE: PSN
Photo Source: RAPPLER