Napulo ka tawo, patay samtang kapig 80 ang missing human sa kalit nga pagbaha sa northeastern Sikkim State, Gangtok India!

PATAY ang napulo ka tawo samtang kapig 80 ang missing human sa kalit nga pagbaha sa northeastern Sikkim State, Gangtok India!
Gibutyag sa Indian Defence Ministry nga nagpadayong ang search ug rescue operation sa mga lugar nga naapektuhan sa baha.
Gawas sa nahisgutang lugar mas gipalapdan usab ang rescue efforts sa mga silingang lugar ilabina nga ubay-ubay ka panimalay ang naguba ug na-anod tungod sa baha.
Samtang migawas sa report nga aduna’y 3-mil ka mga turista ang na-trapped sa area.
Una niini, gibutyag sa Indian Army nga tungod sa kalit lamang nga pagbuto sa panganod sa Lhonak Lake, usa ka kusog nga baha ang nahitabo sa Testa River, nga miresulta sa pagka-anod sa 23 ka mga army personnel.

SOURCE: BBC
Photo: Washington Post