Mga kawani sa City Hall, makapahimulos sa libreng executive checkup ug laboratory sa nagkadaiyang pribadong hospital sa ciudad!
MAKAPAHIMULOS ang mga kawani sa City Hall sa libreng executive checkup ug laboratory sa nagkadaiyang pribadong hospital sa ciudad!
Kini ang gisiguro ni Mayor Rolando Uy atol sa Flag raising ceremony kaganiha sa buntag.
Matud ni Mayor Uy nga pinaagi sa supplemental budget nga gi-aprubahan sa konseho, makapahimulos sa libreng executive checkup package ang mga trabahante sa city hall.
Gawas sa checkup, libre na usab ang mga kawani panahon kung madala kini sa balay-tambalanan.
Gipadayag sa mayor nga tumong niining masiguro ang kahimsog sa panglawas sa mga kawani aron mapalapdan pa ang pagserbisyo sa katawhan.
“…unta mahan ay na tanan ang mga pangalan ug pangidaron sa tanan. Sa buhatan sa HR aron maandam na ang tanan kung pila atong balayronon kay pribado kini nga kompanya kamo na magpili kung asa mo nga hospital dili lang sa executive check up mismo kung simbako aduna moy balatian wala namoy tulubagon sa bayronon…”
Mayor Rolando Uy
SOURCE: CIO
Photo: Rolando A. UY
