Mga datos nga nakuha sa PhilHealth, gipagawas na sa Medusa Ransomware hackers!

GIPAGAWAS na sa Medusa hackers ang mga datos nga nakuha sa Philippine Health Insurance Corporation kon PhilHealth!
Kini ang gikumpirmar sa Department of Information and Communications Technology kon DICT.
Gibutyag ni DICT Undersecretary Jeffrey Ian Dy nga lakip sa mga datos nga gipagawas ang mga identification card sa PhilHealth employees, payroll information, 1×1 photos sa mga individual, office files, memos ug pipila ka billing statements.
Giklaro pa ni Dy nga padayong gisuta ang kinatibok-ang data nga na-publish sa mga hacker.
Samtang, subling gipamugos sa PhilHealth nga dili apektado sa hacking ang server nga aduna’y mga private information sa mga myembro lakip ang membership database, claims, contributions ug accreditation information.

SOURCE: RNT
Photo: CNN Philippines